Моңғолияда көмір ұрлаған айыпталушы Қазақстанда құрылыс жүргізген 

Моңғолиядағы көмір ұрлығына байланысты жаңа деректер шықты. Елдің депутаттары көмір сатқан айыпталушының Қазақстанда құрылыс жүргізгенін айтып отыр.   Олардың айтуынша, қылмысқа қатысты кәсіпорынның қаржы бөлімінің басшысы дәулетті адам.  

«ЭрдэнэсТавантолгой» АҚ компаниясы қаржы бөлімі  басшысының байлығы соншалық, Қазақстанда үлкен бір кварталдың құрылысын жүргізген. Көтеріліске себеп болған да осы кәсіпорын»,- дейді  Моңғолияның Парламенті депутаттар тобының жетекшісі Одон Цогтгерел. 

«Халық наразы. Жастар ашулы. Билік мәселені құбылтып отыр. Моңғол халық партиясы  мүшелері қанша алдаусыратқанымен,   адамдардың тоңазытқыштары бос, көтерілісте жастар Моңғолияда жақсы өмір сүру үшін табысы жоғары Кореяға барып жұмыс істегілері келмейтінін жеткізді.   Біз көмір ұрлығы жайында бұрыннан айтып келеміз. Билік неге көмір ұрлау мәселесіне қатысты келісім-шарттар мен есімдерді ашық айтпайды. Жасырын түрде келісім-шарт жасасқан 2 адам әлі де Ұлттық қауіпсіздік кеңесінде отыр», - деді Одон Цогтгерел.  

Билік өкілдеріне халық бірнеше талап қойып отыр.   Премьер-министр Л.Ойын-Эрдэнэ бұл тұрғыда парламентті құрылымдық жағынан жасақтау керек дейді. Ол «Мен күресімнен қайтпаймын» деген мәлімдеме жасап, істің насырға шаппауын қалайтынын жеткізді .   

«Шерушілерден 20 шақты талап-арыз алдық.  Жүйелік өзгерістер туралы 14 азаматтық қоғам ұйымы пікір білдірді.  Мен бұл туралы ұзақ ойланып, тиісті адамдармен талқыладым.  Негізі бұл жүйені біз 30 жыл бойы қолдандық.  Парламенттің өкілділігі күннен күнге нашарлап барады. Демократияның негізгі тірегі қуатты парлементтік жүйе . Парламенттік басқару – парламенттегі өкілдерге сенім арту арқылы басқару құқығын мүшелерге уақытша беру керек.  Осы тұрғыда бүгінгі жүйеде шағын партиялар сайлауға қатысып, Парламентке кіре алмайды»,- деді ол. 

Көмір ұрлығын жасағандар наразылық акциясын басқа жаққа бұрмақ болған.  Үкімет көмір дауына байланысты  Қытай тарапымен ымыраға келмеді.  «Эрдэнэс Тавантолгой» компаниясының бұрынғы басшылығы оны саясиландыруға тырысты.  Бұл мәселеде жұртшылық аса қырағы болуы керек.  Көмір ұрлығына қатысты  түрлі ақпарат тарап жатыр»,- деп мәлімдеді Моңғолия премьер-министрі.