Депутат Дариға Назарбаеваның ұлы Нұрәли Әлиев ұялы байланыс компаниясын құрмақшы.
Бәсекелестікті дамыту және қорғау агенттігінің басшысы Серік Жұманғарин келесі жылдан бастап Қазақстанда жаңа ұялы байланыс операторы жұмыс істейтінін мәлімдеді. Оның сөзінше, қазір агенттік нарықта Қазақтелеком (Теле-2 мен Kcell) мен Билайннан өзге үшінші оператордың пайда болуына жұмыс істеп жатыр.
«Қазіргі уақытта нарықта Қазақтелеком (Теле-2 мен Kcell) мен Билайннан сияқты екі үлкен ұялы байланыс операторы бар. Біз үшінші оператордың пайда болуына жұмыс істеп жатырмыз... Ол радио толқын алғысы келсе, оған бірінші лицензия ал дайді. Лицензия алуа барса, бірінші радио толқын ал дейді. Қазір біз осы мәселені шешіп жатырмыз. Құдай қаласа, келесі жылы тағы бір ұялы байланыс операторы жұмыс істейді. Бұл отандық «Транстелеком» болады», - деді Жұманғазин.
Серік Жұманғазиннің айтуынша, «Транстелеком» 2025 жылға қарай нарықтың 5 пайызын алуы мүмкін. Бірақ әзірге ол нақты көрсеткіш емес.
Ақпан айында «Транстелеком» компаниясының 75 пайыз акциясы (экс-президент Нұрсұлтан Назарбаевтың жиен-немересі) мәжіліс депутаты Дариға Назарбаеваның ұлы Нұрәли Әлиев құрған «Unit Telecom» компаниясының иелігіне өткен.
2020 жылы «Транстелеком» АҚ-ның негізгі капиталы 12 млрд теңге, жалпы табысы 13 млрд теңге болған. «Unit Telecom» ЖШС 2014 жылы тіркелген. Бірақ мемлекеттік кірістер комитетінің мәліметінше, 2020 жылы небәрі 9090 теңге көлемінде салық төлеген.
«Forbes» журналының есебі бойынша, 2020 жылы Нұрәли Әлиевтің байлығы 269 000 000 доллар болған. Ол «Capital Holding» ЖШС-ға иелік етеді. Бұдан бөлек, «Darmen Holding» компаниясы мен «Nd Capital» венчурлық қорының акционері.
Соңғы жылдары Нұрәли Әлиевтің есімі Ұлыбританиядағы қымбат жылжымайтын мүліктерге байланысты дауларда жиі аталуда.
Байланысты жаналықтар
MalimBlocks
