«Назарбаевтар иемденіп алған жерді халыққа қайтарам» – Хасен Қожахмет президент сайлауына қатыспақ
Президент сайлауы өтетін күн белгілі. Президенттікке қатысам дейтіндер көріне бастады. Солардың бірі Қасен Қожахмет. Ол Тоқаевқа қарсылас бола ала ма? Ол бұған дейін бірнеше рет президенттікке үміткер ретінде тіркелуге бірнеше рет талпынған.
«Азат» қозғалысының, «Қазақ елі» коалициясының төрағасы, қоғам қайраткері, 73 жастағы Хасен Қожахмет Қазақстан президенті сайлауына кандидатурасын ұсынбақ. Бұл туралы ол Facebook желісіндегі «Арон Атабек Воля» парақшасында мәлімдеді.
Ол өз бағдарламасында Қаңтар қырғынана қатысты біраз шындықтың бетін ашам деп отыр. Және бұған дейін саяси, азаматтық көзқарасы үшін ұсталған, қамалған азаматтарды босатам дейді.
«Ешқандай елде «жаппай тәртіпсіздік» үшін азаматтарды ұзақ мерзімге қамамайды. Халықты қорқытып ұстау үшін 2006 жылы «Шаңырақ оқиғасы» бойынша арон Атабек, Ерқанат Тараншиев, Құрманғазы Өтегенов, Рүстем Тұяқовтар кінәсіз сотталды. Олар ақталуға тиіс.
Қазақстан нарықтық экономикаға өтетінін мәлімдеді, бірақ, бар байлықты олигарх-капиталистердің ешқандай бәсекеге түспей-ақ тұңғыш президент пен оның туыстары иемденгенін халық көрді. Биліктегі мұндай кландық бассыздықты тоқтату үшін елдегі ірі кәсіпорындарға ұлттық дәреже беру керек. Назарбаев кланы мүшелері иемденіп алған жерлерді жергілікті халыққа тез арада қайтару керек», - дейді ол жаңа бағдарламасында.
Ол одан арғы ұсыныстары мен толықтыруларын халықпен кездесу кезінде айтам дейді.
Президент Қасым-Жомарт Тоқаев қыркүйектің басындағы жолдауында кезектен тыс президент сайлауын өткізуді жоспарлап отырғанын, өзінің де қатысуға дайын екенін айтқан. Сайлаудың уақыты 20 қарашаға белгіленді. Одан кейін Конституцияға тағы бір өзгеріс енгізіліп, Қазақстан президенті 7 жылдық бір мерзімге сайланатын болып бекітілді. Бұл өзгерістер қоғамда көп талқылау тудырды.
Байланысты жаналықтар
MalimBlocks
