Орталық Азия елдері өз аумағында АҚШ әскерін орналастыруға келіскен сәтте нысанаға айналады. Бұл жөнінде Ресей сыртқы істер министрі Сергей Лавров хабарлады.
Тамыздың 24-і күні Будапеште Венгрия сыртқы істер министрімен болған кездесуден кейін БАҚ өкілдерінің сұрақтарына жауап берген Ресей СІМ Сергей Лавров Орталық Азия елдеріне қатысты мәлімдеме жасады. Онда ол аймаққа АҚШ әскерін орналастыру, Орталық Азия елдерін шабуыл нысанына айналдыратынын айтты.
«Ресей Орталық Азияда АҚШ әскерін көргісі келмейді. Біріншіден, біздің ортақ қауіпсіздік аймағымыз бар. Ол аймақтың өз міндеттемелері бар. Мен Ұжымдық қауіпсіздік келісімшарт ұйымын айтып тұрмын. АҚШ Ауғанстаннан шыққан уақытта әскерінің бір бөлігін Орталық Азияда орналастырғысы келген. Олар қажет болған жағдайда Ауғанстанға сол жерден соққы жасауды қалады. Орталық Азия ғана емес, әлемнің кез келген елі АҚШ-тың талабын орындаймын деп нысанаға айналғысы келеді деп ойламаймын. АҚШ әскерін өз аумағыңа орналастыру, өзіңді шабуыл нысанасына айналдыру», - деді Лавров.
Бұдан бөлек, Серей Лавров АҚШ әскерімен бірлесіп жұмыс істеген Ауғанстан азаматтарын Орталық Азия елдері аумағына уақытша орналастыруға байланысты пікір білдірді. Онда ол бұл мәселені аймақ елдерінің өзі шешетінін, бірақ АҚШ ұсынысы көңілге қонымсыз екенін мәлімдеді.
Тамыздың 15-і күні Талибан қозғалысы Кабул қаласын басып алып, Ауғанстанға толықтай бақылау орнатқан. Қазір Ауғанстанда тек Панжшер аймағы ғана тәліптерге бағынбаған. Онда 2001 жылға дейін Солтүстік Альянс лидері болған Ахмад Шах Масудтың ұлы Ахмад Масуд жақтастарын жинауда. Олар Талибан қозғалысына қарсы күш біріктіруде.
Байланысты жаналықтар
MalimBlocks
Борис Джонсон Дональд Трампқа Украина мен Ресейді татуластыру туралы ұсыныс айтты
Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.
