«Отставкаға кеткенімен, саяси сыпайылықты сақтай бермейтін». Тоқаев Назарбаевқа қатысты ойын білдірді

Президент бұл сөзін Ana tili газетіне берген сұхбатында айтқан

Мәди Саматұлы

  • 03.01.2025

Нұрсұлтан Назарбаев ұзақ жыл бойы ел тізгінін ұстаған уақытта кемшіліктер болды. ол отставкаға кеткенімен, Қауіпсіздік Кеңесінің төрағасы болып отырған кезде саяси сыпайылықты сақтай бермейтін. Бұл туралы президент Қасым-Жомарт Тоқаев Ana tili газетіне берген сұхбатында айтты, деп хабарлайды Malim.kz.

Мемлекет басшысының сөзінше, Нұрсұлтан Назарбаев ұзақ жыл бойы ел тізгінін ұстаған уақытта кемшіліктер болды. Бірақ ештеңе істемеген адам ғана қателеспейді.

Ашығын айту керек, ол отставкаға кеткенімен, Қауіпсіздік Кеңесінің төрағасы болып отырған кезде саяси сыпайылықты сақтай бермейтін. Мұны да айта кеткен жөн. Үнемі премьер-министрді, Ұлттық банктің төрағасын, министрлерді, әкімдерді шақырып алып, жиналыс өткізетін. Бұған өз азаматтарымызды былай қойғанда, шетел басшылары мен дипломаттары да таңдана қарайтын. «Назарбаев қызметінен кеткен соң тіпті жоғарылады, енді Президент те оған бағынады» деген әзіл әңгіме де пайда болды. Ал, шын мәнінде, бұл әзілдейтін жағдай емес еді, дейді Тоқаев.

Бұл жағдай қосарланған билік туралы алыпқашпа әңгіменің өршуіне әкеп соққан. Шенеуніктер де кабинеттен кабинетке жүгіріп, кімнің тапсырмасын орындайтынын білмей дал болған. Кейбір шенеуніктер «Елбасы институты Президент билігінен жоғары тұруға тиіс» деп, ақылға сыймайтын жағдайды заң жүзінде негіздегісі келген.

Нұрсұлтан Назарбаевтың 2021 жылғы қарашада өткен Astana Club жиынында 92 жастағы Махатхир Мохамадты мысалға келтіріп, өзінің Ақордаға қайтып келуі мүмкін екенін мәлімдеуін және бұрынғы президенттің сол жылы желтоқсан айында Санкт-Петербург қаласында өткен ТМД елдерінің саммитіне қатысуын нағыз билік дағдарысына әкеп соқтырған негізгі оқиғалар деуге болады. Соның алдында ғана жергілікті бір саясаттанушы оған «Елбасының алтын дәуірін» қалпына келтіру үшін батыл шаралар қабылдау қажеттігін айтып, арандатушылық мазмұндағы хат жолдаған еді, дейді президент.

Алайда қазір парасаттылық танытып, Нұрсұлтан Назарбаевтың Қазақстанға сіңірген тарихи еңбегін лайықты бағалау керек екеніне назар аударады.

Мен Президент ретінде мемлекет мүддесін басшылыққа алуға, ел бірлігін бәрінен биік қоюға міндеттімін. Сіздің сұрағыңызға келсек, қазір біз шамамен айына бір рет телефон арқылы сөйлесіп тұрамыз, дейді Тоқаев.

Фото: Ақорда

Байланысты жаналықтар

Президент Жапония премьер-министрінің арнаулы кеңесшісін қабылдады

31.01.2025

«Елім саған айтам, Елбасы сен де тыңда!» - 5

31.01.2025

«Көпке созбайық». Бектенов үкіметі президент тапсырмасын орындауға белсене кірісті

29.01.2025

Ел аумағында халықаралық әуе хабын құру қажет – Тоқаев

28.01.2025

Ашық айту керек, мемлекеттік қызметшілер жауапкершілік алудан тайсалады – Тоқаев

28.01.2025

Бұрынғы ұстанымдар енді жұмыс істемейді – Қасым-Жомарт Тоқаев Ұлттық банк жұмысы жайында

28.01.2025
MalimBlocks
Президент Жапония премьер-министрінің арнаулы кеңесшісін қабылдады

«Елім саған айтам, Елбасы сен де тыңда!» - 5

1990 жылы Қазақстанда мұнай – 22 миллиoн тoнна eдi, eндi 14 миллион тoнна ғана бoлып oтыр, көмiр – 131 миллиoн тoнна eдi, eндi 50 миллиoн тoнна айналасында

«Көпке созбайық». Бектенов үкіметі президент тапсырмасын орындауға белсене кірісті

Үкіметте президенттің кеңейтілген отырыстағы тапсырмаларына байланысты кеңес өтті

Ел аумағында халықаралық әуе хабын құру қажет – Тоқаев

Президент толыққанды экожүйе құру міндеті тұрғанын айтты

Ашық айту керек, мемлекеттік қызметшілер жауапкершілік алудан тайсалады – Тоқаев

Президент мемлекеттік қызметшілердің құлықсыздығы туралы айтты

Бұрынғы ұстанымдар енді жұмыс істемейді – Қасым-Жомарт Тоқаев Ұлттық банк жұмысы жайында