Сот шешімімен 15 күнге қамалған депутат «Nur Otan»-нан шығарылды.
«Мас күйінде көлік жүргізді», «полиция талабына бағынбады» деп айыпталған Павлодар облысы мәслихатының депутаты Қайрат Әбішев «Nur Otan» партиясынан шығарылды. Билік партиясының облыстық бөлімшесінің баспасөз қызметі таратқан мәлімет бойынша, мамырдың 26-ы күні партияның саяси кеңес отырысы өтіп, Қайрат Әбішевті партиядан шығару шешімі қабылданған.
«Жергілікті мемлекеттік басқару мен өзін-өзі басқару» заңының 20-бап 3-тармақ 3-1 бөлігіне сәйкес, депутаттық өкілеті кезектен тыс тоқтатылды», - делінген мәлімдемеде.
Қайрат Әбішев 25-ші мамыр күні сот шешімімен 15 күнге қамауға алынып, 8 жылға көлік жүргізу құқығынан айырылған. Оған «полиция талабын орындамады» және «мас күйінде көлік жүргізді» деген айып тағылған.
42 жастағы кәсіпкер 2016 жылдан бері Павлодар облысы мәслихатының депутаты. Биыл да «Nur Otan» партиясының атынан мәслихатқа өткен.
Байланысты жаналықтар
MalimBlocks
Елін сүйген қайраткер Нұртас Оңдасынов
Ол 1938 жылдан 1963 жылға дейін (25 жыл) – Қазақ КСР Жоғарғы Кеңесінің депутаты, ал 1940 жылдан 1958 жылға дейін (18 жыл) КСРО Жоғарғы Кеңесінің депутаты болды. 26 жыл (1938-1964) Қазақстан Компартиясы Орталық комитетінің және 14 жыл (1938-1951, 1954-1955) оның бюро мүшесі, Кеңес Одағы Компартиясының XVIII, XXII, XXIII съездері мен оның XVIII конференциясының делегаты, 13 жыл (1939-1952) СОКП Орталық Тексеру комиссиясының мүшесі болып сайланды.
