Қаңтар оқиғасы бойынша 83 қазақстандық сотталды
Қаңтар оқиғасы бойынша тағылған негізгі айыптар - "терроризм", қару-жарақ ұрлау", жаппай тіртіпсіздік ұйымдастыру туралы болған.
Қаңтар оқиғасына қатысты күдікке ілінгендердің ішінде нақты түрме мерзімін арқалағандар саны белгілі болды. Бұл туралы бас прокуратура өкілдері хабарлады.
«Қазір 349 күдікті қамауда жатыр. Қаңтар оқиғасы бойынша жауапкершілікке тартылған 545 адамның 429-ының ісі қылмыстық іс бойынша сотқа жолданды», - дейді бас прокуратура бірінші қызмет бастығының орынбасары Елдос Қилымжанов.
Қилымжанов түрме мерзімін арқалағандардың ғимараттарды қирату, өртеу, қару-жарақ ұрлау, мемлекеттік мекемелер мен полиция қызметкерлеріне шабуыл жасағандар екеніне сенімді. Ол мұның бәрі жеткілікті түрде тексерілгенін айтады.
Қаңтар оқиғасынан кейін алты айдан уақыт астам уақыт өтсе де құрбан болған қазақстандықтардың ресми тізімі әлі жарияланған жоқ. Құқыққорғаушылар мен қоғам белсенділері, журналистер жасаған тізім болғанмен, ресми билік оған қатысты нақты бір мәлімдеме жасап, я бұрын, я дұрыс деп, түсінік бермеді.
Қаңтар оқиғасынан кейін жүздеген адам ұсталып, оларға "терроризм", "жаппай тәртіпсіздік ұйымдастыру", "заңсыз қару-жарақ сақтау" секілді айыптар тағылған. Және қамалғандарды күш қолдану, қинау фактілері де қоғамда жиі айтылады. Тергеу кезінде қызметін асыра пайдаланған орган қызметкерлері туралы да ақпарат аз айтылмайды.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
