Қаңтар оқиғасы: Қырғыз музыкантын Қазақстан тергеуге шақырды

Қырғызстандық джазмен Викрам Рузахуновты Қазақстанға тергеу амалдарын жүргізу үшін шақырып жатыр. Бұл туралы ҚР бас прокуратурасы хабарлады.

«Қазір іс бойынша Алматы қаласы, Алматы облысы полияция департаменті қызметкерлері, ҰҚК ШҚ және медицина қызметкерлері тергелді, бірақ бірнеше себепке байланысты күдіктілер тобын анықтау мүмкін болмай тұр (видеожазбалар, әкелінген және келген адамдарды тіркеу журналы жоқ, іске қатысқан қызметкерлердің бәрі маска, оның ішінде медициналық маска тағып жүрген)».

Енді, осы Қазақстан тергеушілері анықтай алмаған күдіктілерді Рухахуновтың өзі келіп көрсетіп беруі керек екен.

Рузахунов Қаңтар оқиғасы кезінде Алматыда жүрген Рузахунов тергеушілер қолына түсіп, Алматыдағы бүлікке ақша үшін (90 мың тг) қатысуға арнайы келгенін айтып, арнайы видеожазбадаға түскен. Аттынша, оның қырғыз музыканты екені айтылып, Қырғызстандағы Қазақстан консулдығы алдында наразылық пикеті өткен. Рузахуновтың кім екені анықталған соң, Қазақстан тарапы оны кешірім сұрап, шығарып салған. Қырғыз тарапы бұл іске қатысты қылмыстық іс жариялап, ол тергеу 20 шілде күні аяқталған. Бұл туралы Рузахуновтың өзі:

"Сарапшылар менің денсаулығыма ауыр зиян келтірілді деп бағалады. Жиналған материалдар Қырғызстанның Бас прокуратурасы арқылы кінәлі тұлғаларды анықтау және қылмыстық жауапкершілікке тарту үшін Қазақстанның құзыретті органдарына жіберілетін болады", — деп жазды әлеуметтік желіде.

Тергеу амалдары алты ай жүргізілгенін есептесек, содан бері «шетелдік террористі» азаптаған тергеушілердің әлі анықталмағаны және оған зардап шегушінің қайта шақырылуы – Қаңтар оқиғасына қатысты тергеудің қалай жүріп жатқанын көрсетеді.

Еске сала кетейік, президент Қасым-Жомарт Тоқаев Қаңтар оқиғасы кезінде шетелден 20 мың террорист Қазақстанға кіріп кетті деп мәлімдеме жасаған. Ал, Қаңтар оқиғасына қатысты тергеу әлі жүріп жатыр. Соның ішінде азаптау күдігі бойынша бірнеше тергеуші де күдікке ілінген.