Қаржы министрі жемқорлықты униформа мен шен беру арқылы азайтпақ.
Бүгін үкімет отырысында қаржы министрі Ерулан Жамаубаев мемлекеттік кірістер органдарындағы жемқорлыққа қатысты мәлімдеме жасады. Онда ол мемлекеттік кірістер қызметкерлері арасындағы жемқорлықты азайту үшін олардың жалақысын көтеруді және униформа мен класстық шен енгізуді ұсынды.
«Жемқорлықпен күрес агенттігі мемлекеттік кірістер органдарының қызметкерлері жалақысының төмендігі мен әлеуметтік қорғансыздық салтарынан жемқорлыққа бейім деп есептейді. Бұл тәжірибелі кадрлардың жеке секторға кетуіне алып келеді. Осыған байланысты біз класстық шен, базалық жалақыға қосымша ақы қосуды және арнайы форма енгізуді ұсынамыз», - деді Жамаубаев.
Ерулан Жамаубаев аталған ұсыныстар жемқорлықты азайтады, мемлекеттік кірістер органдарының мәртебесін көтереді және тәжірибелі мамандарды сақтап қалуға көмектеседі деп есептейді.
Байланысты жаналықтар
MalimBlocks
