Қазақстандағы Ресейдің дипломатиялық ғимараттарына көңіл айтушылар келіп жатыр
Мәскеу облысындағы теракт кезінде қаза тапқандарға Астанадағы Ресей елшілігі және Алматыдағы Ресей консулдығы ғимаратына көңіл айтушылар келіп жатыр.
Тұрғындар шырақ жағып, гүл мен жұмсақ ойыншықтар қойып, лаңкестіктен қаза тапқандарды еске алуда.
Елшілікте көңіл айту кітабы ашылған. Кітап 23-наурыз 18:00 дейін ашық болады.
Еске сала кетейік, 22-наурыз күні Мәскеу іргесіндегі Краснагорск қаласындағы «Крокус Сити Холл» ғимаратында террористік әрекет болды. Соның салдарынан 23-наурыз түстен кейінгі мәлімет бойынша 115 адам қаза тапқан.
Мәскеуде Қазақстан азаматтары үшін 8 (925) 897-71-14 телефоны бойынша жедел желі жұмыс істейді.
Фото: Kazinform
