Қытай Қазақстан аумағына жалпы құны 24,5 миллиард доллар болатын 56 кәсіпорын салмақ.
ҚР Сауда және индустрия министрлігінің ресми сайтында жарияланған мәлімдемеде Қытай Қазақстанға құятын инвестиция көлемін бірнеше есеге арттырып, 2023 жылы Бейжің капиталына салынатын 56 кәсіпорынның құрылысы аяқталатыны жөнінде айтылған.
«2005 – 2020 жылдар кезеңінде қытай инвестицияларының жалпы көлемі $19,2 млрд асты. Сонымен қатар Қытайға тікелей инвестициялардың жылыстауы $ 667,2 млн құрады. Индустриялық-инвестициялық ынтымақтастық бағдарламасы аясында $ 24,5 млрд - қа 56 заманауи кәсіпорын салу жоспарлануда, бұл нысандардың басым бөлігі 2023 жылға қарай аяқталады деп күтілуде», - деген сауда және интеграция вице-министрі Қайрат Төребаевтың сөзі мысалға келтірілген сайтта жарияланған мәлімдемеде.
Бұдан бөлек, мәлімдемеде наурыздың 1-і күні ҚР Сауда және индустрия вице-министрі Қайрат Төребаев пен ҚХР Коммерция вице-министрі Ван Шоувэнменнің екіжақтық кездесуі жөнінде айтылған.
2016 жылы өткен жер митингілері кезінде халық жерді сатумен қатар Қытай зауыттарын Қазақстанға көшіруге де қарсы шыққан.
2019 жылы экс-президент Нұрсұлтан Назарбаев қызметінен кеткеннен кейін мемлекеттік БАҚ өкілдеріне берген сұхбатында Қытай зауыттарына қатысты мәлімдеме жасаған. Онда ол Қытай билігімен келісімге келгенін, «бұл зауыттарды көшіру емес, керек кәсіпорындарды таңдау» деген.
«Қазір мен «Қытай бізді басып алып жатыр» дегенді естудемін. Қай жерде басып алып жатыр? Менің Қытай билігімен келісімім бар. Біз Қазақстан-Қатай біріккен кәсіпорынан саларда тараптар қанша жұмысшы келетіні жөнінде келісімге қол қояды. Құрылыс аяқталғаннан кейін олар кері қайтады. Қорқа берудің қажеті жоқ. Бұл зауыттарды көшіру емес, біз өзімізге керекті заманауи кәсіпорындарды таңдадық. Бізге инвестиция кім береді? Қазір бұндай қаржы Қытайда ғана бар. Біз бұны пайдалануымыз қажет», - деген Назарбаев.
2019 жылы Қазақстанның Қытайға қарызы 11 миллиард доллар болған. Қазақстанда анти қытайлық көңіл-күй әлі күнге дейін өршіп тұр. Ол ауық-ауық митингтерге ұласып тұрады.
MalimBlocks
