Грузияның экс-президенті, Украинаның реформа жөніндегі атқарушы комитеттің төрағасы Михаил СААКАШВИЛИ Дмитро ГОРДОНҒА сұхбат берді.
Саясаткер бұл сұхбатында әлемдік державалардың басшылары және ТМД елдерінің президенттері жайлы айтты. Саясатта жүріп араласқан кіші Джорд БУШ, Барак ОБАМА, Дональд ТРАМПТАР туралы қызықты естеліктерімен бөлісті. Сондай-ақ, Владимир ПУТИН, Дмитрий МЕДВЕДЕВ, Режеп Тайып ЕРДОҒАН, Виктор ЯНУКОВИЧКЕ мінездеме берді.
«Путинмен қырық сағаттай уақыт сөйлескен кезім болды. Ол бірде-бір ТМД елдерінің басшыларымен дебатқа түскен емес. Тек менімен түсетін. Бірде мен ұшақпен ұштым. Ол араға аз ғана уақыт салып соны қайталады. Мен қара теңізге түстім. Ол да теңіз суына шомылды. Формула-2 қатысатын автомашинаны айдап ем, Путин тағы да мені қайталады. Бұндай кездейсоқтық болмайды ғой. Путин шешімдерді аяқасты қабылдай алмайды. Қиын кезде бункерге барып тығылады. Қазір коронавирус кезінде сөйтіп жатыр. Рейтингі түсіп барады. Путин көшенің рэкеті», - деді М. Саакашвили.
Журналист Дмитро Гордон Орталық Азия президенттері жайлы да сұрады.
– Назарбаев сізді жақсы көрді ғой?
– Ол кісіде аталық мінез болды. Мен президенттіктен кеткенен кейін де ұзақ уақыт араласып тұрдық. Әрине, Ресейге ұнамаса да.
– Сапармұрат Ниязовпен араластыңыз ба?
– ТМД елдерінің самитінде Түркменбашы өзінің министрлерін төрт аяқтап тұрғызып қойып кәмпит жегізгені бар. Өте өкінішті оқиға. Кейін олардың барлығын түрмеге отырғызып тастады. Тек қана өзінің тіс дәрігері, Денсаулық сақтау министріне ғана тиген жоқ. Кейін ол жаңа түркменбасшы болды. Инагурацияға бардым. Сол кезде Ниязовтың нөмірінде жаттым. Алтын жалатылған туалетін көрдім. Оның машинасына отырып көрдім.
Сондай-ақ, Саакашвили «Медведев қандай еді?» деген журналист сұрағына да жауап берді.
«Медведевтің фамилиясы Медведев болғанымен ол «жәндік» ғой. Табиғатынан құл. Мен оны алғаш рет көргенде Джорд Бушқа деген махаббатын айтып, ант су ішті. Мен бұл сөзіңізді қоңырау шалып өзіне айтыңыз дедім», – деп жауап қатты украниналық саясаткер.
Фото: gazeta.ru
MalimBlocks
Борис Джонсон Дональд Трампқа Украина мен Ресейді татуластыру туралы ұсыныс айтты
Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.
Трампқа жасалған қастандық: неліктен Қауіпсіздік қызметі шабуылдаушыға АҚШ-тың бұрынғы президентіне жақын келуіне мүмкіндік берді?
Шілденің 13-күні АҚШ-тың Пенсильвания штатында Дональд Трампқа қастандық жасалды. Осыдан кейін ел билігі мен БАҚ АҚШ-тың қазіргі және бұрынғы президенттерінің қауіпсіздігіне жауап беретін агенттіктің жұмысына назар аударды. Саясаткерлер, журналистер мен сарапшылар Трампқа оқ атқан адамның ол жерге қалай барғанын тыңғылықты зерттеуге кіріскен.
