Ұлттық қауіпсіздік комитеті төрағасының орынбасары Асқар Әмірханов Самат Әбіштен жауап алынып жатқанын айтты.
Әмірхановтың сөзінше, қаңтар оқиғасы кезінде ҰҚК төрағасының бұрынғы орынбасары Самат Әбіш жұмыста болған.
"Қазір Самат Әбіш те тергеуге алынды. Одан жауап алып жатыр. Ол күдікті ме, куәгер ме, статусын білмеймін", - деді Әмірханов.
Әмірханов Самат Әбіштің Қазақстанда екенін, алайда өзі оны көрмегенін айтты.
Еске салайық, Ұлттық қауіпсіздік комитетінің бұрынғы басшысы Кәрім Мәсімов 6 қаңтарда қызметінен босатылып,. 8 қаңтарда оның ұсталғаны белгілі болды. Онымен бірге екі орынбасары – Әнуар Садықұлов мен Дәулет Ерғожин да ұсталды.
Ал экс-президент Нұрсұлтан Назарбаевтың немере інісі Самат Әбіш 17 қаңтарда қызметінен босатылды.
Күдіктілерге мемлекетке опасыздық жасау және билікті күшпен басып алуға немесе Қазақстанның конституциялық құрылысын күштеп өзгертуге бағытталған әрекеттерден басқа, "билікті немесе қызметтік өкілеттіктерді асыра пайдалану" бабы бойынша айып тағылып отыр. Сосын пара алу фактілері бойынша тергеу шаралары қолға алынды.
MalimBlocks
