Үкімет Қазақстаннан шетелге шығарылған қаржыны қайтарумен айналысатын комиссия құрғаны хабарланды.
Хабарламаға сәйкес жаңа комиссия құрамында бес жұмыс тобы болады. Олар қаржының шетелге қалай шыққанын, оны елге қайтару және шектеу шараларын қабылдайды.
Шетелге шығарылған қаржының ішінде бұрынғы президент Нұрсұлтан Назарбаев әулетінің қаржысы бар-жоғы әзірге белгісіз. Премьер-министрдің орынбасары Ерұлан Жамаубаев пен Ұлттық экономика министрі Әлібек Қуантыров Азаттық радиосы тілшісінің «шетелдегі қаржының ішінде Назарбаев әулетінің қаржысы бар ма?» деген сауалына толық жауап бере алмады. Екеуі де бұл сұрақпен комиссия айналысатынын айтты.
Ақпанның 8-і күні президент Қасым-Жомарт Тоқаев үкіметке шетелге заңсыз шығарылған қаржы мен активтерді анықтап, елге қайтару мәселесін көтеріп, ұсыныс әзірлеуге екі ай уақыт берген.
“Tax Justice network” халықаралық ұйымының мәліметінше, соңғы 25 жылда Қазақстаннан шетелге 140-160 миллиард доллар шығарылған.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
