Сот шешімі: Ана өліміне кінәлі дәрігер босатылады

Оқиғаның  мерзімі өтіп кетуіне байланысты Тілешов қылмыстық жауапкершіліктен құтылған.

Malim Админ

  • 29.04.2022

Батыс Қазақстан облысында ана мен бала өліміне кінәлі дәрігер жазаға тартылмады. 


Күні кеше Жаңақала аудандық соты анестезиолог-дәрігер Жарқын Тілешовке қатысты сот үкімін шығарды. Ол Қылмыстық кодекстің 317-бабында көзделген «Медицина немесе фармацевтика жұмыскерінің кәсіптік міндеттерін тиісінше орындамауы» бойынша кінәлі деп танылған. Алайда, болған оқиға мерзімінің өтіп кетуіне байланысты Тілешов қылмыстық жауапкершіліктен құтылған. 

Сотталушы дәрігер жәбірленуші сұраған 150 млн-ды емес, 6 млн теңге моральдық өтемақы төлеуге міндеттелді. Ал 5 млн материалдық өтемақыны қысқарып, 920 мың теңгеге азайтқан.  

Сот үкімі заңды күшіне енбегендіктен, зардап шегуші Ғалымжан Сағынғали бізге хабарласып шарасының жоқтығын жеткізді. «Бұл жерде сыбайластықтың барын байқадым. Талабымды орындату үшін төрт жыл жүгірдім. Іс осы уақытқа дейін созылды.  Қарсы тарап республикалық сараптама орталығымен келіспей құжатты Алматыға жіберген болатын. Ол құжат Алматыда 11 ай жатты. Соның төрт айында жай ғана концелярияда қаңсып жатыпты. Сараптамадан өткізіп жіберудің орнына әдейі мерзімді созды. Ақыры дегендеріне жетті дейді шағымданушы. 

Оның айтуынша, Жаңақала ауданының Ішкі істер бөлімі, ішкі істер департаменті, прокуратурасының ісінде дұрыстық жоқ.  Өздерінің атына кір келтірмеу үшін келісімді түрде осындай әрекетке барып отыр» дейді ол. 

 Ана мен бала өліміне қатысты Тілешовпен бірге күдікке ілінген 6 дәрігерге де шара қолданылмаған. Анестезиологтың өзі төрт жыл дегенде ғана күдікті деп саналды. Олардың теріс әрекеттері тайға таңба басқандай сараптамалық нәтижеде анықталған.

«Республикалық медициналық сараптама көрсеткендей, қателіктері әшкереленсе де сотқа бармады» дейді марқұмның күйеуі. Ол кінәлілерді сотқа беруінің себебін мұндай масқаралықтың екінші мәрте қайталанбауын ойлағандықтан екенін айтады.  

Жалған құжат жасау, әйелінің атынан қол қою әрекеті де прокуратура мен тергеушілердің назарынан тыс қалды.  Тергеушілер әдейі созбалаққа салып осыған жеткізді деп күйінеді Ғ.Сағынғали.  Жәбірленуші «Өтірік құжат жасау, қол қою ісін өлген адамның артынан сотқа жетпей қысқартып тастады.  Негізі бұл екі іс те бірігіп сотқа баруы керек еді. Себебі, екеуі де бір күнде болған жағдай. Бұл тұста жауапкершіліктен құтылу дерегі тұр» деген пікірде ол.  

Ғ.Сағынғали Бас прокуратураға да төрт жылдан бері хабарласып келемін дейді. Алайда, шырқыраған дауысы бас жаққа жетпей бергі жақтан қайтады екен. Астанаға барып кірісейін десем, үйдегі төрт баламды кім қарайды деп отыр. Бәрінен шаршадым, бірақ мұндай қателік тағы қайталанбас үшін күресті тоқтатпаймын дейді арызданушы.

Айта кетейік, 2018 жылы батысқазақстандық Бибінұр Нығметова дәрігерлердің ағаттығынан сәбиімен бірге операция үстелінде көз жұмған еді. Ол жүктіліктің соңғы кезеңінде жағдайы нашарлап ауруханаға түсті. Дәрігерлердің кесарь тілігін жасаймыз деген шешіміне Бибінұр келісім бермеген. Ақырында аяғы ауыр келіншек баласымен бірге қаза тапты.

Байланысты жаналықтар

Орал қаласының маңындағы су тасқынына қарсы іс-шараларға 400 адам қатысты

17.04.2024

Бишімбаевтың адвокаттары жасатқан сараптама іске алғысыз болып қалды

17.04.2024

Ресейлік мамандар Нүкенованы «ескі жарақаты салдарынан көз жұмды» деп қорытындылады

16.04.2024

«Бәрімізге қатысты» орталығы су астында қалған Орал өңіріне гуманитарлық көмек жіберді

16.04.2024

Жайық өзеніндегі су деңгейі Орал қаласында 780 см-ге жақындады

16.04.2024

Су тасқыны: Орал тұрғындары дереу қауіпсіз жерлерге көшіріледі

15.04.2024
MalimBlocks
Орал қаласының маңындағы су тасқынына қарсы іс-шараларға 400 адам қатысты

Бұл жұмыстарды жүргізуге бірлестікке Туризм және спорт министрлігі бастаған еліміздің белгілі спортшылары және БҚО-ның түрлі спорт түрлерінің өкілдері қосылды.

Бишімбаевтың адвокаттары жасатқан сараптама іске алғысыз болып қалды

Айжан Аймағанова Ресей мамандары егер жалған қорытынды берсе, ол үшін жауапкершілік арқаламайтынын ескертті.

Ресейлік мамандар Нүкенованы «ескі жарақаты салдарынан көз жұмды» деп қорытындылады

Олар қазақстандық мамандардың Нүкенова бас миының ауыр жарақаты салдарынан қайтыс болды деген тұжырымдарын жоққа шығарды.

«Бәрімізге қатысты» орталығы су астында қалған Орал өңіріне гуманитарлық көмек жіберді

Бүгінде Петропавл аймағына көмек қолын созу үшін еріктілер тобы жиналуда.

Жайық өзеніндегі су деңгейі Орал қаласында 780 см-ге жақындады

Облыстың басқа өзендерінде су деңгейі төмендеп келеді.

Су тасқыны: Орал тұрғындары дереу қауіпсіз жерлерге көшіріледі

Бүгінде Жайықтың деңгейі 8 метрге жуықтаған, ал ең қауіпті деңгей 8 жарым метр саналады.