Тоқаев пен Зеленскийдің сөйлесуіне Украина бастамашы болған
Қазақстан президенті Қасым-Жомарт Тоқаев Украина президенті Владимир Зеленскиймен және Ресей президенті Владимир Путинмен телефон арқылы сөйлесті.
Бүгін президент Тоқаев өзінің туиттердегі парақшасында екі ел президенттерімен телефон арқылы сөйлескенін айтты. Алдымен ол Путинмен байланысқан, артынша Зеленскиймен сөйлескен. Украина президенті баспасөз қызметінің хабарлауынша, телефонмен сөйлесуге Зеленский өтініш айтқан.
Тоқаев екі ел басшыларын өзара келісімге келіп, шиеленісті бейбіт түрде шешуге шақырған. Оған қоса, Путинмен сауда-экономикалық қарым-қатынасты талқылап, Зеленскиймен гуманитарлық салада келісімге келген.
Ресей президенті Владимир Путин Украинаға тиесілі «сепаратистік» мемлекеттердің тәуелсіздігін мойындап, кейін оларға қауіп төніп тұр деген желеумен Украина қалаларын бомбалап, әскери «іс-қимылдар» бастаған. Бұл әрекетті ресми Киевпен әлемнің көптеген елдері «соғыс» деп атады. Қарулы қақтығыстар әлі де жалғасып жатыр. Әзірге Қазақстан билігі бұл жағдайға қатысты түсінікті мәлімдеме жасаған жоқ.
Байланысты жаналықтар
MalimBlocks
