Президент Қасым-Жомарт ТОҚАЕВ Жамбыл облысының әкімі Бердібек САПАРБАЕВҚА сөгіс жариялады. Бұл туралы мемлекет басшысының баспасөз хатшысы Берік УӘЛИ фейсбук парақшасында хабарлады.
«Мемлекет басшысы Қасым-Жомарт Тоқаев Жамбыл облысының әкімі Бердібек Сапарбаевқа 2019 жылы жұмысында едәуір олқылықтарға жол беріп, қызметінен босатылған Қ.Досаевты әкімдіктің басқарма басшысы етіп тағайындағаны үшін сөгіс жариялады. Әкімге бір тәулік ішінде кадрлық қателігін түзетуге тапсырма берілді», - деп хабарлады Берік Уәли.
Фото: akorda.kz
