Пасха мейрамына байланысты Ресей мен Украина тұтқындар алмасты. Олардың арасында соғысқа қатысқан екі қазақ жігіті Ресейге қайтарылды, деп хабарлайды Malim.kz.
Ресейлік «Наш выход» қоғамдық қозғалысының мәліметінше, Пасхадағы бітім аясында тұтқындар алмасуы болды. Әр тараптан 246 адам босатылды. Сонымен қатар, Украинаға 31 жараланған әскери қызметкер қайтарылып,ал Ресей 15 жараланған сарбазды алды. Олардың арасында 2005 жылы туған Егамбердиев Шерхан Жұманазарұлы мен 2002 жылы туған Ордабаев Ерболат Дулатұлы бостандыққа шыққан.
Айта кетейік, Ресей президенті Владимир Путин 19 сәуір күні кешке Украинадағы барлық әскери іс-қимылдарды уақытша тоқтату туралы бұйрық берді. Украина басшысы Владимир Зеленский бұл бастаманы қолдап, тыныштық кезеңін 30 күнге ұзартуды ұсынды.
Фото: видеодан скрин
