«Жоғары мәртебелі Владимир Путин мырза». Астана әуежайындағы баннер көпшіліктің ашуын туғызды
Путин елімізге мемлекеттік сапармен келе жатыр.
Астана әуежайында Ресей президентінің елімізге мемлекеттік сапарына орай баннер ілінді, деп хабарлайды Malim.kz.
Дегенмен баннердегі жазу көпшіліктің ашуын туғызды. Себебі онда «Ресей Федерациясының президенті, жоғары мәртебелі Владимир Путин мырза, Астанаға қош келдіңіз!» деп жазылған.
Ал ҚР СІМ мұны бұл сапардың ресми емес, мемлекеттік деген мәртебесі барымен түсіндірді. Ведомство хаттамада осылай көрсетілген деп отыр.
Бұдан бөлек елорда көшелері Ресейдің үш жолақты туымен безендірілген.
Айта кетейік, Ресей басшысы елордада өтетін ҰҚШҰ кеңесінің отырысына қатысады.
Фото: brics-russia2024.ru
Сурет видеодан алынған.
