Енді қаржы пирамидасын жарнамалаған адам қылмыстық жауапқа тартылады.
Парламент мәжілісінде қаржы пирамидаларының қызметіне қарсы іс-қимыл туралы заң жобалары мақұлданды.
Жаңа түзетулер қылмыстық кодекске, қылмыстық іс жүргізу кодексіне, әкімшілік құқықбұзушылықтар туралы кодекске және «жарнама туралы» заңға қатысты болады.
Депутат Юрий Лидің айтуынша, заң жобасында 2000 АЕК көлемінде айыппұл салу немесе 600 сағат қоғамдық жұмыс, 2 жылға дейін бас бостандығынан айыру жазасы қарастырылған. Тіпті қылмыстық іс бойынша 3 жылдан 7 жылға дейін соттап, мүлкін тәркілеу жазасы бар.
Мәжәләс депутаттары заң жобасын бірінші оқылымды мақұлдады.
