Танымал ақын Танагөз Толқынқызы әлеуметтік желідегі парақшасында қазақ қоғамы туралы өткір пікір білдіріп, көпшіліктің талқысына түсті, деп хабарлайды Malim.kz.
Ақын қазіргі қоғамдағы моральдық және рухани құндылықтардың әлсіреуіне алаңдаушылық білдірген.
"Қазақтар тәуелсіздігін сақтап қала алмайды. Себебі ол сапасыз ұлтқа айналған. Принципі жоқ надан ұлт қалыптасты. Жағымпаз, өтірікші, екіжүзді, сатқын, намыссыз, фейк, псевдо ұлт. Өз тілінде сөйлемейді. Құлдық сана етінен өтіп сүйегіне жеткен.
Ешкімге ештеңе керек емес. Ешкім ешкімге араша түспейді. Қорқақ, можантопай, дарақы, мақтаншақ. Критикалық ойлау санасы қалыптаспаған. Бейғам. Жайбарақат. Басына кім көрінген аяғын сүртіп кете береді. Әлсіз, қауқарсыз, дәрменсіз. Халық емес құл-құтандар легі ме дерсің. Бір-біріне қайырымсыз. Тасбауыр. Бір-бірін иттің етінен жек көреді.
Өзін-өзі тонаған, өзін-өзі тоздырған, өз тамырынан ажыраған тобыр. Ұры ұлт. Бұл қасиет – қазіргі біздің басты қасиетіміз. Жеу үшін жаратылғанбыз. Қай жерден нені жымқырып жеп қалсам екен деп ойлап тұрамыз. Құндылық жоқ. Ар құдай болған заман келмеске кетті. Қарны тойса болды, бәрін сатады. Адам емес құлқын ғана көремін. Мына сөзге талағың тарс айрылса да айтайын. Сендер ертең шүршіттің тілінде сөйлеп жоқ боласыңдар. Астанананы басып алған қара құмырсқалар бұл елді енді өлсе де тастап өз отанына қайтпайды. Келген жерін отан қылады.
Олар қатты сөйлейді, дарақы күледі, келмей жатып осы жердің қожайыны сезінеді. Себебі принципі жоқ ұлттың жерін де, тілін де, туын да, тәуелсіздігін де ақшаға сатып жіберетінін біледі. Сендер енді өзгермейсіңдер! Осы кеткендерің кеткен!" – деп жазды Танагөз Толқынқызы.
Ақынның жазбасына әлеуметтік желі қолданушылары да белсенді пікір білдірді. Көптеген оқырман оның айтқан сөздері қоғамдағы ащы шындықты көрсетеді деп есептейді. Кейбір қолданушылар қазіргі қоғамдағы мәселелерге назар аударып, жастардың тағдырына алаңдайтынын жазды.
