Біріккен Араб Әмірліктерінің президенті Мухаммед бен Заид Әл Нахаян Иранның шабуылдары аясында елдің «соғыс жағдайында» екенін айтты, деп хабарлайды Malim.kz. DW-ге сілтеме жасап.
Оның қақтығыс басталғалы бергі алғашқы мәлімдемесінен үзінділерді Abu Dhabi TV телеарнасы мен Emirates News Agency агенттігі жариялады.
Президент елдің қарулы күштеріне «осы соғыс кезіндегі» қызметі үшін алғыс айтып, қауіпсіздік құрылымдарының мемлекетке адал әрі абыройлы қызметін жоғары бағалады.
Сонымен қатар ол БАӘ-де тұратын шетелдік резиденттердің үлесін ерекше атап өтті.
«Біз соғыс жағдайындамыз және мен олардың алдында өз міндетімізді орындайтынымызға уәде беремін. Бұл жағдай бізге таңылды, біз өзімізді, отбасыларымызды және елімізді қорғау үшін әрекет етіп жатырмыз», – деді ол.
Бұған дейін Иран президенті көршілес елдерден кешірім сұраған еді. Алайда Иран Пезешкианның кешіріміне қарамастан көрші елдерге шабуылдарын жалғастырды.
