Қостанай облысы Федоров ауданы аумағында ТЖМ құтқарушылары республикалық маңызы бар «Астана – Қостанай – РФ шекарасы» автожолында тоқтап қалған автобустың жолаушыларына көмек көрсетті, деп хабарлайды Malim.kz.
Федоровка ауылынан 4 км қашықтықта «Тәжікстан – РФ» маршрутымен келе жатқан автобус техникалық ақау салдарынан тоқтады. Температураның төмендеуіне байланысты жолаушылар үшін қауіп туындады.
ТЖМ, ЖАО және ПД күшімен 16 адам, оның ішінде 8 бала эвакуацияланды. Жолаушылар Жарқөл ауылындағы жылыту пунктінде орналастырылды. Ешкімге медициналық көмек қажет болған жоқ.
Құтқарушылар ескертеді: ауа райы нашарлаған кезеңдерде ұзақ сапарға шықпауға кеңес беріледі. Төтенше жағдай туындаған жағдайда дереу 112 нөміріне хабарласу қажет.
