Ресей 30 қарашаға қараған түнде Украинадағы Киев облысына дрондармен шабуыл жасады, деп хабарлайды Malim.kz. DW-ге сілтеме жасап.
Облыстық әскери әкімшіліктің басшысы Николай Калашниктің мәліметінше, Вышгород қаласында көпқабатты үй өртеніп, жеке тұрғын үй қираған. Сондай-ақ бір кәсіпорында да өрт шыққан.
Алдын ала мәлімет бойынша, бір адам қаза тауып, 11 адам жараланған. Зардап шеккендердің арасында бала бар.
Украинаның Төтенше жағдайлар жөніндегі мемлекеттік қызметі (ГСЧС) әлеуметтік желілерде бір адамның қаза тапқанын және алты адамның жараланғанын хабарлады. Қызметтің мәліметінше, көпқабатты үйден 146 адам эвакуацияланған. Өртті сөндіру жұмыстары жалғасып жатыр.
