Ресей әскерінің Запорожье қаласына түнгі әуе соққысы салдарынан үш бейбіт тұрғын жарақат алды, деп хабарлайды Malim.kz. DW-ге сілтеме жасап.
Зардап шеккендер 75 жастағы ер адам және 73 пен 55 жастағы әйелдер. Оларға қажетті медициналық көмек көрсетілуде.
Украина Әуе күштерінің дерегіне сәйкес барлығы 83 соққы дроны бес бағыттан ұшырылған. Әуе қорғаныс күштері 55 дронды атып түсірген. 25 дронның 12 жерде нысанаға тигені тіркелген. БПЛА сынықтары 3 жерде құлаған. Шабуылдың салдары мен келтірілген шығын көлемі нақтыланып жатыр.
