Ресей әскері 15 сәуірге қараған түні Украинаға «Искандер-М» баллистикалық зымырандары мен 300-ден астам дронмен жаппай шабуыл жасады. Украинаның әуе қорғанысы олардың көп бөлігін жойды, бірақ кейбір нысандарға соққылар тіркелді.
Запорожьеде шабуыл салдарынан 74 жастағы әйел қаза тапты, инфрақұрылым мен тұрғын үйлер зақымданды. Одесса облысында порт нысандары бүлінді, бірақ зардап шеккендер жоқ.
Сумы қаласында өнеркәсіп аймағына үш рет соққы жасалып, өрт шықты. Днепр мен Черкассы облыстарында да шабуылдар болып, бірнеше адам жараланды.
Ресей тарапы өз аумағында ондаған украин дрондарын атып түсіргенін мәлімдеді. Ал басып алынған Энергодар қаласында электр жарығының өшуі тіркелген, оны ресейлік тарап Украина шабуылымен байланыстырды.
