АҚШ пен Ресей арасындағы Украинадағы соғысты тоқтату жөніндегі келіссөздерде алға жылжу бар екенін АҚШ мемлекеттік хатшысы Марко Рубио Fox News телеарнасына жарияланған сұхбатында айтты, деп хабарлайды Malim.kz.
«Менің ойымша, белгілі бір ілгерілеу бар, ол украиндердің қандай шарттарға келісуге дайын екенін анықтау. Бұл оларға болашақта қауіпсіздік кепілдіктерін береді, елдері ешқашан қайтадан басқыншылыққа ұшырамайтындай. Бұл тек экономиканы қалпына келтіруге ғана емес, сонымен қатар өркендеуге, өсіп келе жатқан экономикасы бар мемлекет болуға мүмкіндік береді», — деді Рубио.
«Теориялық тұрғыдан, егер бәрін дұрыс жасаса, 10 жылдан кейін Украина ЖІӨ-і Ресейден жоғары болуы мүмкін», — деп есептейді америкалық дипломатия басшысы. Оның айтуынша, Украина мен Ресей қазір «Донецк облысының 30–50 шақырымы үшін соғысып жатыр», ал басты мәселе — Украинаның ұзақмерзімді егемендігін және тәуелсіздігін қорғау, «оның марионеткалық мемлекетке айналмауы, шын мәнінде тәуелсіз әрі егемен ел болып қалуы».
Марко Рубио Ресей соғыстың басында «Украина аумағының әлдеқайда үлкен бөлігін» бақылауда ұстағанын еске салды және украиндардың «батылдығы, ерлігі және жанкешті шайқасы арқасында үлкен жетістіктерге жеткенін» атап өтті. Бірақ қазіргі уақытта қақтығыс оның сөзінше «тоздыру соғысына» айналған, ал «өкінішке қарай, ресейліктер өз мақсаттарына жету үшін аптасына 7000 жауынгер жоғалтуға дайын екенін көрсетіп отыр».
«Путин бірнеше апта бұрын: бұл ұзаққа созылуы мүмкін — біз мақсаттарымызға жетеміз; бұл біз күткеннен қымбатқа түсіп, ұзақ болуы мүмкін, бірақ біз мұны жүзеге асырамыз, — деді. Меніңше, олардың ойы дәл осындай. Ал біз соғысты Украина болашағын қорғауға мүмкіндік беретіндей етіп аяқтауға бола ма, және екі тарап та оған келісе ала ма — соны түсінуге тырысып жатырмыз», — деп қосты АҚШ мемлекеттік хатшысы.
