«Әйелің бір күнде сатып жібереді». Қайрат Әділгерей анасын жанынан тастамаған спортшы туралы айтты
Қайрат Әділгерей әйелін азаптап өлтіргені үшін сотталған Қуандық Бишімбаевты мысалға келтірді.
Танымал актер Қайрат Әділгерей той үстінде анасымен қол ұстасып шыққан Олимпиада чемпионы Елдос Сметовке қолдау білдірді, деп хабарлайды Malim.kz.
Қайрат Әділгерей әйелін азаптап өлтіргені үшін сотталған Қуандық Бишімбаевты мысалға келтірді.
"Бүкіл Қазақстан Бишімбаевты жерден алып, жерге салып жатқанда жалғыз анасы ғана қорғады. "Ол – менің балам. Қорғануға толық құқығы бар" деді. Тек қана Бишімбаевтың жағында анасы ғана қалды. Осыдан-ақ білуге болады. Алладан кейінгі ең мейірімі шексіз адам, ол - ана. Бітті. Ол талқыланбауы керек. Сенің 30-40 жыл бойы қойныңдағы әйелің бір күнде сатып жібереді. Жақсы көрмей қалуы мүмкін, сенен кетіп қалуы мүмкін, тіпті соттасуы да мүмкін. Балаларын алып кетіп, көрсеткізбей де қояды. Міне, ана қандай жағдай болса да, баласын қорғайды. Анадан ондай жамандық күтпейсің. Өйткені, ол - ана", - деді Қайрат Әділгерей әлеуметтік желідегі тікелей эфирінде.
Фото: әлеуметтік желі
