«Алла басқа жерден береді». Әнші Бағлан Әбдірайымов өзінің жаман әдеті туралы айтып берді
Әнші тыңдармандарына жан сырын ақтарды
Танымал әнші Бағлан Әбдірайымов Instagram парақшасында оқырмандарымен сырласып, жаман әдеті туралы сөз қозғады, деп хабарлайды Malim.kz.
Өнер иесі көмек сұраған адамға көлігін беріп, өзі жаяу жүрген сәтін еске алды.
Менің бір жаман әдетім бар. Қолымдағы бар нәрсені жұрттарға таратып жібере саламын. Әлде ол жақсы әдет пе? Мысалы, бір сұхбатта отырып, жүргізуші "бір кісіге көмектесе аласың ба?" деп сұрағанда, "иә, көмектесейін" дедім. Өзім мініп жүрген астымдағы көлігімді ешнәрсе сұрамай, ешкімнен ешнәрсе күтпей, бере салдым. Өзім солай көліксіз қалып, біраз жаяу жүріп қалғанмын. Бір қызығы, іште сосын ешқандай өкініш болмайды, - дейді әнші.
Ол өзінің Нұрсұлтан есімді қолдаушысына қымбат сағатын тарту еткен.
Нұрсұлтан деген жігіт қандай шара жасасам да көрермен болып қолдап, қалмай келіп жүреді. Оған қолымдағы сағатымды естелікке беріп жібердім. Осылай жүрген жерімде қолымдағы барымды таратып жүремін.
Көп адам мұны түсіне алмай жатады. Менің өз ойым: Кең болсаң, кем болмайсың. Ризықты беретін Алла басқа жерден береді. Ең бастысы, пейілді тарылтпасын, - деп жазды ол.
Фото: әлеуметтік желі
MalimBlocks
