Әнші Жеңіс Ысқақова рэкеттермен байланысы туралы шындықты айтты
Өнер иесі қылмыс әлемінің серкелерімен дос болған.
Әнші, Қазақстанның еңбек сіңірген қайраткері Жеңіс Ысқақова рэкеттермен дос болған сәтін еске алды, деп хабарлайды Malim.kz.
Өнер иесі кезінде өзін ән айтуға шақырған адамдардың қылмыс әлемінің серкелері екенінен бейхабар болған. Алайда, өзінің ешқандай қиянат көрмей, керісінше жағдайын дұрыстап алғанын жасырмай айтты.
2000 жылдары. Мұқтаждық емес, ол кезде үтік қоссаң да менің әнім шығып жататын кез болатын. Маған кім ақша төлеп, билет алады, соның ақшасына өлең айтып беремін. Әрине, солардың арқасында жағдайымды жасап алдым. Концертке шақырады. 10, 20 жылдықтары не болмаса шешесінің мерейтойы болады. Ол кезде ол бандит пе, ол милиция ма, ол кәсіпкер ме, білмейміз ғой. Жақсы бір достарым, Атырауда, бизнесте жүрді, отбасылық дос болдық. "Біздің ауылда той болып жатыр. Соған өзіңе ыңғайлы әріптестеріңмен келіп, концерт қойып кетсең" дейді. Ақшасын - бәрін төлеп береді. Кәдімгідей бағаңды беріп, ханның қызындай күтіп алады. Атын атаймын, - дейді әнші.
Ол Рысқалиевтер әулетімен дос болып, оның жасаған жақсылығын атап өтті.
Ақаман Рысқалиев - менің досым. Қазір де досым. Басына күн туды. Біреудің жолын кесті ме, білмеймін. Ол - мен үшін кәсіпкер. Ақаманның Атырау өңіріне жасаған қамқорлығы көп, - деді әнші АDAL Adam Youtube арнасына берген сұхбатында.
Фото: видеодан кадр
