«Болашақ жарыма түсіндіріп айттым»: Нұрлан Еспановтың ұлы даулы мәселеге нүкте қойды
Ол кінәлі адамды іздеп тапқан.
Әнші Нұрлан Еспановтың ұлы Олжас Еспанов өзіне қатысты тараған даулы ақпаратқа байланысты пікір білдірді, деп хабарлайды Malim.kz.
Олжас журналист Анна Данченкоға берген сұхбатында атышулы оқиғаға ешқандай қатысы жоқ екенін айтты.
Бұл жазбаны әлеуметтік желіде таратқан қызды танымаймын. Егер мен оған хат жазған болсам, ол менің парақшамда да сақталуы тиіс еді ғой. Бірақ менде ондай жазбалар жоқ. Архив жазбаларымды бірнеше рет ақтардым. Шыны керек, бұл үлкен аяқтан шалу болды. Ол қызбен ешқашан кездеспедім де, танымаймын да, деді Олжас.
Сондай-ақ Олжас әлеуметтік желіде хатты кім жариялағанын анықтауға тырысып, сол адаммен хабарласуға әрекет жасағанын айтты.
Алғаш TikTok желісінен көріп қалдым. Кейін бұл жазбаны Айсұлу есімді қыз жариялағанын білдім. Бірақ ол жабық парақша екен. Қарасам, бізде ешқандай диалог болмаған. Кейін маған біреу «ол Айсұлу емес, Башқұртстаннан Александра есімді қыз» деп жазды. Яғни бұл адам Айсұлу есімімен контент жүргізіп жүрген болып шықты. Мен оған: «Не үшін жасадың?» деп жаздым. Бірақ ол диалогқа келмеді. Жазғаны жиіркенішті көрінді. Сосын тыныштық үшін оны бұғаттап тастадым. Кейін оның шын есімі Александра екенін білдім. Ол Айсұлу болып бір адамның өмірін құрдымға кетіре жаздады. Қазір мен үйлену алдында тұрмын. Болашақ жарым Айнұрға да бәрін түсіндіріп айттым, деп түйіндеді Олжас Еспанов.
Фото: instagram.com/espanov_olzhas
Байланысты жаналықтар
MalimBlocks
