Қазақстандық танымал әнші Димаш Құдайбергеннің қарындасы Раушан Құдайберген Instagram желісінде жаңа фотосуреттер жариялап, желі қолданушыларының ықыласына бөленді, деп хабарлайды Malim.kz.
Суреттерде Раушан нәзік әрі табиғи образда көрінеді: ұзын плисе белдемше мен айвори түсті жеңіл кофта киген, макияжсыз келбеті мен жайылған шашы оның табиғи сұлулығын айшықтай түседі. Фотолардың астарында ойлы әуен қойылып, жалпы атмосфераға романтикалық әсер берген.
«Галереяда босқа жатпасын деп...» – деп жазды Раушан фотосуреттерінің сипаттамасында.
Раушанның образына тәнті болған желі қолданушылары түрлі пікірлер қалдырды. Олардың қатарында:
«Өте әдемі және ерекше!», «Күн сәулесінде ерекше үйлесім тапқан көрініс!», «Раушан гүліндей нәзік әрі сүйкімді!», «Нағыз ханшайым!», - деп жазды желі қолданушылары.
