«Қазақ даналығының бейнесі». Желі қолданушылары Димаш Құдайбергеннің әжесіне тамсанып жатыр

Танымал журналист Әлия Әшім Instagram парақшасында әлемге әйгілі әнші Димаш Құдайбергенді тәрбиелеген Миуа апаны көрсетті. Журналист әншінің әжесін көпшілікке үлгі етті, деп хабарлайды Malim.kz.

"Димаштың анасын көрсем, ана бір ескі видео есіме түсіп кете береді.
Естеріңізде ме: "түу пәлтесінің белі қандай әдемі. Димаконым менің, бойы ұзын, жауырыны кең, дәу жігіт болайын деп тұр ғой..." деп жап-жас Миуа апа тамсанып отырғаны немересіне. Бала өзіне ананың сөзімен, көзімен қарайды. Анасы "қандайсың" десе, өзін "сондаймын" деп таниды. Адамның бойындағы сенімі мен ішкі күшін қалыптастыратын да - ананың сенімі мен шартсыз махаббаты, сірә. Баласын шартсыз, пәк махаббатпен өсіріп отырған аналарымыз аман болсын", - деп жазды журналист.

Желі қолданушылары әжесінің Димашқа айтқан сөздері дәл келгенін айтады.

"Менің Димашымды әлем таниды деп айтып еді", "Сол видеода айтқан сөздері дәл келіп жатыр", "Димаштың әжесі – қазақ даналығының бейнесі", "Қанша жасқа келсе де келбеті әдемі", "Қазақтың дана әжесі", - деп жазып жатыр желі қолданушылары.