Танымал продюсер Гүлзира Айдарбекова бұрын жақын араласқан достарының көбісімен бүгінде қарым-қатынасы суып кеткенін айтты, деп хабарлайды Malim.kz.
Блогер Анар Батырханға берген сұхбатында ол Қайрат Нұртастың достары мен өзінің бұрынғы ортасы жайлы сөз қозғады.
«Қайратта нағыз дос жоқ, мен оны өзіне де айтып отырамын. Бұрын туған күнімді үшке бөліп атап өтетінмін, сол кезде көп адам шақыратынмын. Бірақ әпкем ескерткендей, уақыт өте келе бәрі тарап кетті. Қазір бұрынғы 50 досымнан бір-екеуі ғана қалды», – деді Айдарбекова.
Продюсер танымалдылықтың әсерінен кейбір адамдардың аяқтан шалу немесе көре алмаушылық секілді қиындықтарға тап болатынын да атап өтті.
Фото: видеодан кадр
