Танымал әнші, актриса Жанар Айжанова журналист Ләйлә Сұлтанқызына берген сұхбатында қазақ қоғамында жиі айтылатын «қыздан туған бала немере болмайды» деген пікірге қатысты өз ойын білдірді, деп хабарлайды Malim.kz.
«Қыздан туған бала немере емес дейді. Ол қалай сонда? Қыздан туған бала немере болмайды дегенге келіспеймін. Немеренің екі атасы, екі әжесі болады: нағашы атасы мен нағашы әжесі және өз атасы мен әжесі. Қалған нағашыларына жиен болады. Бірақ тұқым негізі қыздан тарайды. Ол өзінің туған атасы мен әжесімен қатарласып, құрдасындай ойнап өсуі керек. Ал нағашы атасы мен әжесімен олай еркін ойнай алмайды», – деді Жанар Айжанова.
Әнші қазақ қоғамындағы «жиен» және «немере» ұғымдарына қатысты қалыптасқан түсініктерге өз көзқарасын білдіріп, қыздан тараған ұрпақтың ата жұртымен тең дәрежеде байланыста болуы керектігін атап өтті.
Бұл пікір қоғамда қыз баланың әулеттегі орны мен оның ұрпағына деген көзқарас туралы қызу талқылаулардың өзекті екенін көрсетеді.
Фото: видеодан кадр
Байланысты жаналықтар
MalimBlocks
