Семей әкімдігі қаланың дамуы, президенттің жолдауы мен тәуелсіздіктің 30 жылдығын насихаттау үшін 20 миллион теңге жұмсамақ.
Сәуірдің 29-ы күні мемлекеттік сатып алулар порталында №5794833-1 хабарландыру ілінді. Онда Семей әкімдігінің ішкі саясат басқармасы Семей қаласының дамуының басым бағыттарын электрондық бұқаралық ақпараттық құралы арқылы ақпараттық сүйемелдеу (қазақ және орыс тілдерінде) үшін бюджеттен 20 089 285,71 теңгеге тендер ойнатқаны көрсетілген.
Сатып алынатын қызметтің техникалық ерекшелігі жөніндегі хаттамада жеңімпаз Семей қаласының дамуы, президент жолдауы, «Рухани жаңғыру», Тәуелсіздіктің 30 жылдығы, «Нұрлы Жер» жөнінде бейнесюжет, роликтер дайындауы тиіс делінген.
Тендерге жалғыз «Қазақстан» АҚ Республикалық телерадиокорпорациясы қатысқан және жеңімпаз атанған. Келісімшат «тікелей бір көзден сатып алу» бойынша жүзеге асырылған.
Бір қызығы, қызмет көрсету мерзімі келісімшартқа қол қойған уақыттан бастап 2021 жылдың 30 маусымына дейін делінген. Яғни 20 миллион теңгені өнім беруші тарап айналдырған бір жарым, екі айдың ішінде игеруі тиіс.
Байланысты жаналықтар
MalimBlocks
