Қазақстанның экс-президентінің қызы Жаркент қаласында ауаның ластануына алаңдаушылық білдірді. Ол туралы Әлия НАЗАРБАЕВА инстаграм парақшасында жазды.
Әлия Назарбаеваның жазуынша, оған Жаркенттен көптеген хаттар келген.
«Жаркент қаласындағы ауаның ластануына байланысты мәселені өз бақылауыма аламын. Экологиялық қоғамдардың ассоциациясына Панфилов ауданындағы экологиялық мәселені жіті тексеріп, көмек берулерін тапсырдым. Облыстағы тиісті мекемелермен бірлесіп, тексеру жұмыстары жүреді. Ассоциация өкілдері мен бірге экологиялық қоғам белсенділерінен құрылған топ тексеріс жұмыстарын қадағалайды.
Бірақ алдын ала алған мәліметке қарағанда бұл қалада ауаның ластануын қадағалайтын тұрақты мониторинг жүйесі жоқ. Сондықтан алыста отырып, жағдайдың қаншалықты күрделі екенін бағамдай алмаймыз. Осыған байланысты болашақта бұл жағдайды, ауа сапасын қадағалап отыру үшін экодатчиктерді орнату бойынша өз пікірімді айтамын. Тиісті министрлік пен «Казгидромет» бұл мәселені шешуге көмектеседі деп ойлаймын. Қабылданған шаралар туралы ақпарат әлеуметтік парақшаларға жарияланып отырады», - деп жазды Әлия Назарбаева.
МӘЛІМ КЗ сайты Алматы облысына қарасты Жаркент қаласындағы экологиялық жағдай туралы жазған болатын. Сайтымыздың Алматы облысындағы тілшісі Берік ЖАНАТХАНҰЛЫ арнайы барып «Жаркент әжетханаға айналды» деген материал жариялаған.
Жаркенттіктер жаз шыға жағымсыз иіске тұншығатындарын айтқан-ды. Оған себеп крахмал-сірне зауытының жұмысын тоқтатуды талап еткен. Бұл проблема жыл сайын БАҚ-да айтылып та келе жатар. Қала халық сегіз жылдан бері әбігерге салып келе жатқан крахмал-сірне зауытының иесі Закиржан КУЗИЕВ. Ол бір жылдары үздік кәсіпкер атанып, президент Нұрсұлтан НАЗАРБАЕВТЫҢ «Алтын сапа» сыйлығын иеленген.
Фото: yandex.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
