Абай облысында 5 жыл іздеуде жүрген қылмыстық топ мүшесі ұсталды
Күдіктіден патрондары бар ТТ жауынгерлік тапаншасы тәркіленді.
Абай облысында полиция 5 жыл іздеуде жүрген қылмыстық топтың мүшесін ұстады, деп хабарлайды Polisia.kz. Абай облысы полиция департаментінің қызметкерлері арнайы бөлімшенің жауынгерлерімен бірлесіп, аса ауыр қылмыс жасады деп күдікке ілінген, бұрын ұйымдастырылған қылмыстық топтың қатысушысын ұстады.
«2019 жылы қылмыстық талқылау барысында Алматы қаласының 40 жастағы тұрғынын атыс қаруымен атып өлтірді. Сол кезде топтың тек бір мүшесі сот төрелігінен қашып кеткен, ол 5 жыл бойы құқық қорғау органдарынан жасырынып жүрді. Осы жылдың 27 ақпанында жедел-іздестіру іс-шараларының нәтижесінде топтың соңғы қатысушысын Үржар ауданындағы облыстық полиция департаментінің ұйымдасқан қылмысқа қарсы күрес басқармасының қызметкерлері ұстады», - делінген хабарламада.
Сонымен қатар ұсталған адамнан патрондары бар ТТ жауынгерлік тапаншасы тәркіленді. Тиісті сараптамалар тағайындалды. Жедел-тергеу іс-шаралары жүргізіліп жатыр. Күдікті уақытша ұстау изоляторына қамалды.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
