Адам саудасының құрбандары жағдайы жоқ адамдар
Жыл басынан бері елімізде адам саудасы бойынша 110 қылмыс анықталған.
Таратып айтсақ: 24 – адам саудасы, тегін құлдықта ұстау – 5, жезөкшелікпен айналысуға тарту – 14 оның ішінде кәмелетке толмағандар саны – 7, 67 – жезөкшелікті ұйымдастыру мен жезөкшелер тұратын үйді ұстау фактілері. Бұл ресми дерек.
Негізінде халықаралық ұйымдар мен үкіметтік емес ұйымдардың дерегінше еңбек және сексуалды құлдыққа тап болғандардың саны әлдеқайда көп. Тәжірибе көрсеткендей, халықтың әлеуметтік осал топтары адам саудасының құрбандығына көбірек ұшырайды,- дейді Бас прокуратураның жанындағы құқық қорғау органдары академиясы ректорының міндетін атқарушы Қалиолла Сейтенов.
Елордада «Адам саудасына қарсы күресте ұлттық және халықаралық серіктестікті нығайту» атты халықаралық конференция өтіп жатыр. Аталған іс-шараға Қазақстан, Қырғызстан, Өзбекстан, Түркменстан және Тәжікстан елдерінің өкілдері қатысуда.
MalimBlocks
Адам – «тірі тауар», бірнеше рет сатуға болады – Адам саудасы жайлы
Ғазиза – арбауға түсіп, адам саудасының құрбанына айналғандарға алғаш қол созғандардың бірі. Ол жұмыс істейтін «Родник» ұйымының мекенжайы ашық түрде аталмайды. Бізге де ұйым мекенжайын емес, жақын маңдағы емхана алдында жолығуды ұсынды. Мұны ол ұйым бенефициарларының қауіпсіздігі үшін жасалған амал деп түсіндірді.
