Автобустар, ауыз су, аулалар: тұрғындар Астана әкімімен кездесуде не сұрады
Астана қаласының әкімі Жеңіс Қасымбек Instagram парақшасында Теміржолшылар елді мекенінің тұрғындарымен кездескенін мәлім етті, деп хабарлайды елорда әкімдігінің ресми сайты.
«Қаланың аудандары мен елді мекендерінің тұрғындарымен кездесуді ары қарай жалғастырамын. Әрбір елді мекеннің өзіне тән күрделі әрі жүйелі проблемалары бар. «Теміржолшылар» елді мекенінің тұрғындарымен кездестім. Олар бірқатар мәселені қозғады: электр, сумен жабдықтау, кәріз, жолдар мен тротуарлар салу, қосымша маршруттарды іске қосу, интернет және т.б. Негізгі мәселелерге тоқталып өтейін.
Электр энергиясы - бұл елді мекеннің негізгі мәселелерінің бірі. Осыған дейін Қазбек қосалқы станциясы бойынша жұмыс басталған болатын. Біз жобаға енгізілетін түзетуді жазда аяқтап, келесі жылы қосалқы электр станциясының құрылысын толығымен аяқтауды жоспарлап отырмыз. Су қысымы бойынша - халықтың өсімін ескерер болсақ, қалада қосымша су көлеміне қажеттілік бар. Жаңа ауыз су станциясының құрылысы қазір аяқталу сатысында тұр, мамыр айында іске қосылады, ал ССС-3 тамыз айына дейін толық қуатта жұмыс істеу тәртібіне көшеді. Осылайша, су мәселесі тек елді мекенде ғана емес, бүкіл қала бойынша шешіледі.
Сол сияқты аясы тар медицина мамандарын тарту жайы көтерілді, бұл мәселені пысықтап жатырмыз. Бұдан бөлек биыл дене шынықтыру-сауықтыру кешенінің құрылысы аяқталады. Оның базасында спорттық және шығармашылық үйірмелер ашылады.
Сонымен қатар жазда кезең-кезеңімен жаңа автобустар жеткізіле бастайды. Биыл 500-ге тарта автобус (оның ішінде жеке инвесторларды жұмылдыру ескеріледі) жеткізуді жоспарлап отырмыз. Бұл тұрғындар үшін автобустардың күту уақытын қысқартуға, олардың желідегі санын арттыруға, жаңа маршруттарды іске қосуға және т.б. мүмкіндік береді.
Көтерілген мәселелерді шешу жұмысы қолға алынды, оларды іске асыру уақыты туралы хабардар етеміз», - деп жазды Жеңіс Қасымбек.
Фото: елорда әкімдігінің ресми сайты
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
