Денсаулық сақтау министрі коронавирус инфекциясының өршуіне байланысты жаңа эпидемиологиялық болжам ұсынды. Енді министрліктің жағымсыз сценарийі бойынша, тамызда індет шарықтау шегіне жеткенде тәулігіне 11 мың адамға дейін коронавирус жұқтыруы мүмкін. Бұл туралы министр "Хабар 24" арнасындағы "Ошақбаев. Live" бағдарламасына берген сұхбатында айтқан.
Осыдан бес күн бұрынғы болжамында Цой тамызда індет шарықтау шегіне жеткенде жағымсыз сценарий бойынша, тәулігіне 6 мың адамнан вирус анықталады деген еді.
Цойдың айтуынша, коронавирус індетінің таралуын бақылап отырған ғалымдар тобы деректерге сүйеніп, эпидемиологиялық ахуалды болжайды. Болжам екі апта сайын қайта қарастырылады.
"Жағымды сценарий бойынша, індет тамызда шарықтау шегіне жеткенде 6-6,1 мың адамнан вирус анықталады. Шынайы сценарий бойынша, тамызда індет шарықтау шегіне жеткенде тәулігіне 9 мың адам вирус жұқтырады. Жағымсыз сценарий бойынша, тамызда індет шарықтау шегіне жеткенде тәулігіне 11 мың адамнан вирус анықталады. Біз жасайтын болжамға байланысты ауруханадағы төсек-орын санына да қараймыз, қажет болса тиісті шаралар қабылданады", - деді Алексей Цой "Хабар 24" арнасына берген сұхбатында.
Шілденің 14-і күні Алексей Цой тамызда індет шарықтағанда шынайы сценарий бойынша, тәулігіне 5,3 мың адам, жағымды болжам бойынша, шамамен 5 мың, ал жағымсыз болжам бойынша, 6 мыңнан көп адам жұқтыруы мүмкін деген болжам ұсынған.
Фото: Liter.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
