Атырау облысының әкімі Махамбет Досмұхамбетов жемқорлық ісі бойынша күдікке ілініп, үстінен қылмыстық іс қозғалған бұрынғы орынбасары Нұрлан Таубаевтың кінәсі сотта дәлелденсе, отставкаға кететінін мәлімдеді.
"Тергеу қалай жүріп жатқаны туралы жауап бере алмаймын. Мемлекеттік қызмет туралы заңға сәйкес, мемлекеттік қызметкер тікелей қол астындағы қызметкер жемқорлықпен айыпталса және сот оны дәлелдесе, отставкаға кетуі керек. Барлық мемлекеттік қызметкер тәрізді мен де бұл заңға бағынамын, сот сондай шешім шығарса, заңға сәйкес әрекет етемін", - деді Махамбет Досмұхамбетов бүгін Орталық коммуникациялар алаңында өткен брифингіде.
Атырау облысы әкімінің бірінші орынбасары Нұрлан Таубаев пен құрылыс басқармасының жетекшісі Тимур Басаров былтыр қыркүйекте ұсталды. Атырау облысы жемқорлыққа қарсы күрес департаменті Таубаев пен басаров жол құрылысы және инфрақұрылымды дамытумен айналысатын компаниядан 182 миллион теңге көлемінде пара алды деген күдікке ілінгенін мәлімдеген.
Былтыр желтоқсан аяғында тергеу аяқталып, іс сотқа берілді.
Жақында сот өтуі тиіс еді, алайда 9 маусым күні уақытша тергеу абақтасындағы Таубаевтың денсаулығы нашарлап, облыстық ауруханаға жеткізілді. Таубаевтың өтіне операция жасалып, сот кейінге қалды.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
