Бүгінде қазақстандықтардың шамамен 98 пайызы мміндетті әлеуметтік медициналық сақтандыру жүйесінің қатысушылары. Еліміздің ауруханалары науқастарға екі пакет бойынша – МӘМС пен тегін медициналық көмектің кепілдік берілген көлемі аясында қызмет көрсететіні белгілі. МӘМС қатысушыларына өзге де жеңілдіктер қарастырылған. Мысалы, МӘМС бойынша МРТ, КТ, ИФТ, ПТР секілді зерттеулер толығымен тегін көрсетіледі.
Сондай-ақ МӘМС бойынша кері байланыс жолға қойылған. Егер науқасқа дәрігер қандай да бір тегін көмек көрсетпесе, ол адам МӘМС-тің бірыңғай байланыс орталығы – 1406-ға телефон соғып, шағымдана алады.
Тағы бір жеңілдік, егер қандай да бір аймақтың тұрғыны басқа аймаққа барып ем алатын болса, МӘМС аясында ол тегін көрсетіліп қана қоймай, адамның жол шығыны өтеледі.
Мысалы, Нұр-Сұлтан қаласының қоғамдық денсаулық сақтау басқармасының басшысы Тимур Мұратовтың айтуынша, басқа аймаққа барып емделетін науқастардың жолақысына жеңілдіктер жасалмақ. Бұл жолақы жеңілдігі пойыз немесе автокөлік билетіне қарастырылған. Оның айтуынша, астаналықтар басқа аймақтармен салыстырғанда көбіне Алматыға барып ем алады.
«Елордада кепілдендірілген тегін медициналық көмек және міндетті әлеуметтік-медициналық сақтандыру жүйесін аясында жоғары технологиясы медициналық қызметке мұқтаж жандарға тегін және жеңілдікпен жол ақысын өтеу қарастырылған. Яғни елорда тұрғыны басқа қалаға барып ем алса, оның жолақысына жеңілдік жасалады немесе бюджет есебінен толық өтеледі», - деді Тимур Мұратов.
Биылдың өзінде басқа қалаға барып ем алатын астаналықтардың жол ақысын өтеуге 2 миллион теңге бөлінген.
МӘМС-ке қатысушылар қажет болған жағдайда кез келген уақытта медициналық сақтандыру пакетіндегі қызметтерді ешбір шектеусіз пайдалана алады. Оның ішінде бағасы қымбат диагностикалық қызмет түрлері мен күрделі оталар да бар. Мәселен, МӘМС бойынша жүрек, бауыр, бүйрек алмастыру, мидағы ісікті сылып алу, тұқым қуалайтын және жүйелік ауруларды, лейкоз, эндокриндік жүйедегі ақауларды емдеу, жүрекке, өзге де ағза мүшелеріне жасалатын аса күрделі хирургиялық оталар тегін жасалады.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
