АҚШ-тың Pfizer вакцинасы барлық қазақстандықтарға қол жетімді болмайды. Тек аяғы ауыр аналар мен балаларға ғана салынады. Бұл туралы денсаулық сақтау министрі Алексей ЦОЙ мәлімдеді.
«Қазан айында Pfizer тек аяғы ауы аналар мен балаларға ғана салынады. Басқамызға салынбайды. Қазір барып вакцина алу керек. Бір аптадан кейін Дүниежүзілік денсаулық сақтау ұйымы мақұлдаған қытайлық вакцина келеді. Соны да салдыруға болады», - деді министр мырза.
Бұған дейін министр ревакцинация Қазақстанда қазан айында басталатынын айтқан. Ал елдегі пандемиялық ахуал әлі жақсы емес.
Сегізінші тамыздың мәліметі бойынша коронавирусқа шалдыққандардың ішінде 97 адам, пневмониядан 10 адам қайтыс болған.
Денсаулық сақтау министрлігінің мәліметінше бүгінгі күні 112 474 адам коронавирустан ем алып жатыр. Оның 30 972- сі ауруханада емделіп жатса, 81 502 адам үйлерінде қаралып жатыр екен.
Індетке шалдыққандардың ішінде 1 966 адам ауыр жағдайда, 402 тым қиын жағдайда екен. 232 адам болса тыныс алу аппаратында жатыр.
Фото: kazlenta.kz
Байланысты жаналықтар
MalimBlocks
