Өзгелер 80 мың алып жүргенде, "Бұрғылау" қызметкерлері 1 миллион сұрайды
"Qazaq" газетінің бас редакторы Жасұлан Мәуленұлы жалақыларын 1 миллионға жеткізуді талап еткен "Бұрғылау" компаниясының қызметкерлерін сынға алды. Ол елде 80-100 мыңға жұмыс істейтіндермен салыстырғанда бұл талаптың асыра сілтеу екенін жазды.
"«Бұрғылау» ЖШС қызметкерлерінің айлықты 1 млн теңгеге дейін көтеру талабын естігенде, «сонда олардың айлығы қанша» деген сауалдың туындайтыны рас. Сөйтсек, былтырғы жылдың қорытындысы бойынша аталған компанияда орташа айлық 887 мың теңгені құраған екен. «Бұрғылау» ЖШС осындай мәлімет таратты", - деп жазды Жасұлан Мәуленұлы Facebook парақшасында.
Редактор бұл қызметкерлерді аптап ыстық пен қақаған аязда 80-100 мың теңге айлыққа көше сыпырып жүргендермен салыстырып, «бояушы, бояушы десе сақалын бояпты» дегеннің кері келгенін жазды.
"Қит етсе, шектен тыс талап қойып, шерулетуді әдетке айналдыру жақсылықтың нышаны емес. "Қанағат қарын тойғызар" дейтін қазақ едік..." - деп жазды редактор.
Байланысты жаналықтар
MalimBlocks
