Қаңтар оқиғасы кезінде қару ұрлағандар Шымкентте ұсталды
Қаңтар оқиғасы кезінде ұрлық жасады деп күдікке ілінгендермен қоса, ұрланған қаруды сатып алған адамдар да ұсталды. Бұл туралы қалалық полиция департаментінің баспасөз қызметі хабарлады.
Ұсталған үш адам да Түркістан облысының тумалары. Олар Алматыдағы қару-жарақ дүкеніне ұрлыққа түсті деген күдікке ілінген. Тағы бірнеше адам олардан осы қару-жарақты сатып алмақ болған.
«Ұсталған үш адамның біреуі Алматыға қонаққа келген, қалған екеуі жалдамалы пәтерде тұрып жатқан. Ол тұрғын үйдің бірінші қабатындағы қару-жарақ дүкеніне ұрлыққа түсіп, Шымкентке қашып кеткен. Екі «Сайга» карабині мен 70 оқ-дәріні алып-сатарларға өткізген. Тирға арналған бір винтовканы күдіктілердің бірі өзіне алып қойған», - деп хабарлады полиция.
Қазір олар қамауда отыр. Тергеу жұмыстары жалғасып жатыр.
Естеріңізге сала кетейік, 2 қаңтарда Маңғыстау облысындағы Жаңаөзен қаласында сұйылтылған газ бағасының көтерілуіне қарсылықтан бастау алған жаппай наразылық бірер күнде Қазақстанның барлық өңірін қамтыды. Бірқатар қалада наразылықтың аяғы қантөгіске ұласты. Ресми мәлімет бойынша 238 адам қайтыс болды.
Бірқатар өңірде күш құрылымдары жағдайды бақылауда ұстай алмай, дүкендер мен сауда орталықтары тоналды.
Байланысты жаналықтар
MalimBlocks
Садақашыл қоғам мен уәдешіл үкіметтің бір жылы
Неге бұлай болды, неге адамдар өзіне қол жұмсайды, неге наразылыққа шыға береді, неге зейнет жасын төмендетуді сұрайды, неге жәрдемақыны көтеруді талап етеді деген зерттеулер жүргізілмейтін, тек әр оқиғаның салдарымен ғана күресетін және шамасы келгенше жылы жауып тастауға тырысатын мемлекетте тағы бір жылды өткіздік...