Қазақстанда жаңа әуе компания пайда болуы мүмкін

Сұқбат

06.12.2023

2023-12-06 05:31:00

1408

Скопировать ссылку

Қазақстан нарығында жаңа әуе компания пайда болуы мүмкін. Бұл жөнінде көлік вице-министрі Талғат Ластаев айтты. Ол бұл мәселе шетелдік әуе компания өкілдерімен талқыланып жатқанын жеткізді.

-Келіссөздер күрделі процесс екенін білесіздер, халықаралық мамандар тарапынан біздің әуе тасымалы нарығымызға деген қызығушылықтары бар,-деді Талғат Ластаев.

Вице-министр журналистердің “Қазақстанда қай елдің әуе тасымалдаушысы ұшады?” деген сауалына: «Оңтүстік Шығыс Азиядан», -деп жауап берді.

Қазақстанда жаңа әуе компания пайда болатыны туралы осы жылдың маусымында белгілі болған еді. Сол уақытта Индустрия және инфрақұрылымдық даму министрі болған Марат Қарабаев (қазір көлік министрі — ред.) әуе компания ішкі рейстерді тасымалдайтынын айтқан болатын.

Көлік министрлігінің мәліметінше, Қазақстанда жалпы саны төрт әуе компания бар, енді бесіншісі нарыққа шетелден келмек.