Қостанай халықаралық әуежайына Ахмет Байтұрсынұлының есімі берілді
Қостанай қаласының халықаралық әуежайына Ахмет Байтұрсынұлы есімі берілді.
Әуежай қызметкерлері бастама көтеріп, оны жергілікті депутаттар қолдаған.Бұл Қазақстандағы адам атымен аталған алғашқы әуежай емес. 2017 жылдан бастап елімізде әртүрлі өңірлердегі халықаралық әуежайларға белгілі тұлғалардың есімім беріле бастаған.
Мысалы, 2017 жылы Қазақстан астанасының халықаралық әуежайы сол кездегі президент Нұрсұлтан Назарбаев атымен аталған. 2020 жылы Атырау халықаралық әуежайына Хиуаз Доспанова, Семей халықаралық әуежайына Абай, 2021 жылы Ақтөбе халықаралық әуежайына Әлия Молдағұлова, 2022 жылы Орал халықаралық әуежайына Мәншүк Мәметова есімдері берілген.
