Республикалық және өңірлік БАҚ өкілдерін оқыту курсы өтеді

  • 28.09.2022

 

ҚР Орталық сайлау комиссиясы 2022 жылғы 28-30 қыркүйек аралығында Электоралдық оқыту орталығының базасында республикалық және өңірлік бұқаралық ақпарат құралдарының өкілдері үшін 65 журналистің қатысуымен «Қазақстан Республикасындағы сайлау процесі: теория және практика» тақырыбына оқыту курсын өткізеді.

Ортсайлауком тарапынан спикерлер ретінде ҚР ОСК Төрағасының орынбасары Константин Петров, Ортсайлауком мүшелері Сәбила Мұстафина, Анастасия Щегорцова, Асылбек Смағұлов, сондай-ақ аппарат қызметкерлері сөз сөйлейді.

Оқыту курсы БАҚ өкілдеріне Президент сайлауын дайындау мен өткізудің ерекшеліктерін, ағымдағы электоралдық науқанның негізгі кезеңдерін, БАҚ-тың Президенттікке кандидаттардың сайлау алдындағы үгітті пен сайлауды ақпараттық қамтамасыз етудегі рөлін, электоралдық науқан кезеңіндегі фактчекингтің рөлін, сайлау процесіндегі журналистердің құқықтары мен міндеттерін, сайлауды ақпараттық жария етудің халықаралық стандарттары мен қағидаттарын түсіндіруге бағытталған.

Семинарда қатысушылар сайлау процесіне қатысушыларды электоралдық оқыту, мүгедектігі бар адамдардың сайлау құқықтарын қамтамасыз ету, Президент сайлауын мемлекеттік және мемлекеттік емес қаржыландыру, сайлау заңнамасын бұзғаны үшін құқықтық жауапкершілік және «Қазақстан Республикасындағы сайлау туралы» Конституциялық заңға енгізілетін новеллалармен таныстырылатын болады.

Электоралдық оқыту жөніндегі жоспарға сәйкес бұл 2022 жылғы 20 қарашаға тағайындалған Қазақстан Республикасы Президентінің кезектен тыс сайлауы кезеңінде жоспарланған сайлау процесіне қатысушылар үшін Ортсайлаукомның 10 семинарының бірі. Бұған дейін 21-23 қыркүйекте еліміздің барлық өңірлерінен келген жастар ұйымдарының өкілдері үшін семинар өткізілген болатын. ҚР ОСК келесі семинары ағымдағы жылдың
5-7 қазан аралығында Қазақстан Республикасында тіркелген саяси партиялардың өкілдеріне жоспарланып отыр.

Байланысты жаналықтар

5 жасқа дейінгі балалар арасында көкжөтел жиіледі

23.03.2024

Қазақстанда қызылша бойынша эпидемиологиялық жағдай тұрақталып келеді

23.03.2024

Уэльс ханшайымы Кейт қатерлі ісікке шалдықты

23.03.2024

Мәскеуде алдағы демалыс күндері театр мен музей жабылады

23.03.2024

Ресейдің Красногорск қаласындағы концерт залында атыс болды

23.03.2024

«Көшкін қаупі жоғары»: ТЖМ қазақстандықтарға ескерту жасады

22.03.2024
MalimBlocks
5 жасқа дейінгі балалар арасында көкжөтел жиіледі

Қазақстанда қызылша бойынша эпидемиологиялық жағдай тұрақталып келеді

Уэльс ханшайымы Кейт қатерлі ісікке шалдықты

Мәскеуде алдағы демалыс күндері театр мен музей жабылады

Ресейдің Красногорск қаласындағы концерт залында атыс болды

«Көшкін қаупі жоғары»: ТЖМ қазақстандықтарға ескерту жасады