Сайлауда өзін-өзі ұсынғандардың да мүмкіндігі молайды
Былтыр 5-маусымда өткен референдумды Түркістан жұртшылығы жылы қабылдады әрі осы науқаннан көп үміт күткені де анық. Мен өзім Жетісай аудандық мәслихатының депутаты әрі жастардың өкілі ретінде референдумның ойдағыдай әрі адал өтуіне біркісідей атсалыстым. Өз сайлаушыларыммен кездесулер ұйымдастырып, Ата заңымызға енгізілетін өзгерістер туралы толыққанды ақпарат беруге тырыстым. Жалпы халықтың Президенттің бұл шешіміне деген көзқарасы оң болды деп есептеймін.
Референдумнан кейін бірқатар заңдарға өзгерістер енді. Солардың бірі – Парламентті, мәслихаттарды, жергілікті билікті күшейтуге бағытталған. Нәтижесінде олар қысылтаяң шақтарда өз бетінше жұмысын жалғастыруға қабілетті болады, бір кісіге қарап отырмайды. Осының арқасында Президент болып қандай тұлға сайланса да, оның биліктің барлық тармағына билік жүргізуіне жол берілмейді. Осы арқылы біз алдыңғы қатарлы елдерге бір табан жақындай түсеміз. Бұл өз кезегінде сыбайлас жемқорлықты ауыздықтап, тамырлануының алдын алады.
Әрине, бұл өзгерістер жаңа тұлғаларға саясатқа жол ашты. Ешқандай партияның атына тіркелмей-ақ өзін - өзі ұсынғандар да билікке келе алды. Бәсекелестік те өте жоғары болды. Нағыз елдің шын жанашырларын халық өздері таңдап, сайлап алды. Парламентте де жас депутаттарға жол ашылды.
Әлбетте, ауыл әкімдерін халықтың өзі сайлағаны жақсы ғой. Ел ішінде кімнің не істеп, не қойып жүргенін халықтан артық ешкім біле алмас. Бүгінгі таңда Жетісай ауданынын да бірнеше ауылдық округтердің әкімін қараша жұрт өздері дауыс беріп, сайлады.
Қазіргі таңда мен басқаратын Жетісай аудандық "Жастар ресурстық ортылығы" КММ аудан көлемінде жастар саясатын іске асырып қана қоймай, жас буынның түрлі саладағы белсенділігін арттырып отыр. Қоғамдық - саяси, мәдени, әлеуметтік, қайырымдылық шаралардың бел ортасында жүреді. Айына кем дегенде 10 іс - шара өткізеді. Атаулы күндерге орай мәдени және спорттық шараларды өткізу дәстүрге айналған. Сонымен қатар өңір жастары облыстық түрлі байқаулар мен сайыстарда жүлделі орындардан көрініп, аудан мерейін асырып жүр.
Байланысты жаналықтар
MalimBlocks
![](/images/article-img/600/23673-1722415723.jpg)